Strateji valyuta ehtiyatlarımız 78 milyard dollara yaxınlaşıb

"Bu ilin əvvəlindən Azərbaycanın strateji valyuta ehtiyatları 6.7 milyard ABŞ dolları artaraq 77.7 milyard ABŞ dollarına çatıb".

"İnterPosta" "Report"a istinadən xəbər verir ki, bunu Azərbaycan Mərkəzi Bankında (AMB) keçirilən mətbuat konfransında qurumun Statistika departamentinin direktoru Samir Nəsirov bildirib.

Onun sözlərinə görə, hesabat dövründə Azərbaycanın ixrac etdiyi neftin orta qiyməti 70.7 ABŞ dolları, təbii qazın isə min kubmetrinin qiyməti 301 ABŞ dollar təşkil edib.