Nazir: “Serbiya və Azərbaycan qış dövrü üçün qaz tədarükü həcmlərini razılaşdırıb”
 

Qarşıdan gələn istilik mövsümündə Serbiyaya gündəlik sabit tariflə 100 min kubmetr və çevik tariflə 1 milyon kubmetrə qədər Azərbaycan qazının tədarükü planlaşdırılır.

Bunu “İnterPosta”ya müsahibəsində Serbiyanın mədən və energetika naziri Dubravka Cedoviç-Handanoviç bildirib.

“2025-2026-cı illərin qış mövsümündə tədarük həcmlərinin gündəlik 2 milyon kubmetrə qədər artırılması planlaşdırılır. Müvafiq müqavilələrin bağlanması prosesinin yaxın həftələrdə başa çatacağını gözləyirik”, - o bildirib.

Ötən istilik mövsümündə Azərbaycan Serbiyaya gündəlik 1-1,7 milyon kubmetr təbii qaz tədarük edib.

Müsahibənin tam versiyası ilə bu link vasitəsilə tanış ola bilərsiniz.

GoldMedia.Az