SOCAR “Azəriqaz” İB “AYIN QAZÇILARI” layihəsinə start verdi
Həyata keçirdiyi yeniliklərlə hər zaman fərqlənən SOCAR "Azəriqaz” İstehsalat Birliyi daha bir layihəyə start verib.
Birlikdən "İnterPosta"-ya verilən məlumata görə, bu məqsədlə "Ayın qazçıları" adına layiq görülən əməkdaşlarla Birliyin rəhbər şəxsləri arasında görüş keçirilib. Yanvar ayı ərzində Birliyin BRQSD, Sumqayıt QİS və 8 Regional qaz istismarı İdarələrinin ümumilikdə fərqlənən 10 əməkdaşına nümunəvi fəaliyyətinə görə qurumun məsul şəxsləri tərəfindən təşəkkür edilib. Həmçinin Birlik rəhbərliyi nəzarətçi-çilingərlərin qayğıları ilə yaxından tanış olublar. Sonda "Ayın qazçıları" ilə xatirə şəkli çəkilib.
Qeyd edək ki, SOCAR "Azəriqaz” İB-nin yeni layihəsindəki əməkdaşlar ayın yekunlarına əsaslanaraq seçiləcək. Ay ərzində nümunəvi fəaliyyəti ilə əldə etdiyi yüksək göstəriciləri sayəsində Birliyin hər bir nəzarətçi-çilingəri "Ayın qazçısı” adına real namizəd olacaq.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
