Sabiq nazir daha bir vəzifəsini itirdi, fəaliyyətinə xitam verildi
Rüşvət və mənimsəmə əməllərinə görə həbs olunan, daha sonra ev dustaqlığına buraxılan sabiq əmək və əhalinin sosial müdafiəsi naziri Səlim Müslümov daha bir vəzifəsindən kənarlaşdırılıb.
"İnterPosta"-nın əldə etdiyi məlumata görə, keçmiş nazir Bakı Biznes Universitetinin Maliyyə kafedrasının müdiri vəzifəsindən azad edilib və müəllimlik fəaliyyətinə xitam verilib.
Onun yerinə iqtisad elmləri namizədi İsmayıl Həsənov gətirilib.
İsmayıl Həsənov
Qeyd edək ki, Səlim Müslümov 1995-ci ilin iyulundan 2000-ci ilin martınadək Maliyyə Nazirliyində idarə rəisi vəzifəsində çalışıb. 2000-ci ilin martında Dövlət Gömrük Komitəsinin sədr müavini təyin edilib. 2002-ci ilin 17 dekabr tarixində Dövlət Sosial Müdafiə Fondunun Sədri vəzifəsinə təyin olunub. 22 oktyabr 2013-cü ildən 21 aprel 2018-ci ilədək əmək və əhalinin sosial nüdafiəsi naziri olub. O, 17 yanvar 2002-ci ildə gömrük xidməti general-mayoru rütbəsi alıb.
Səlim Müslümov 4 fevral 2021-ci ildə Dövlət Təhlükəsizliyi Xidməti tərəfindən həbs edilib. Sabiq nazir Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü maddələri (təkrar külli miqdarda rüşvət alma) ilə ittiham olunub. 26 may 2022-ci ilə tarixdə sabiq nazir Səbail Rayon Məhkəməsin qərarı ilə ev dustaqlığına buraxılıb.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
