Interposta.Info

Orta aylıq əmək haqqı artdı

İqtisadiyyat
 14-01-2022, 17:13     335


2021-ci il dekabrın 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 20,4 min nəfər və ya 1,2 % artaraq 1704,9 min nəfər olmuş, onlardan 905,7 min nəfəri iqtisadiyyatın dövlət sektorunda, 799,2 min nəfəri isə qeyri-dövlət sektorunda fəaliyyət göstərmişdir.

"İnterPosta" xəbər verir ki, bu barədə Dövlət Statistika Komitəsi məlumat yayıb.

Bildirlir ki, muzdla işləyənlərin 19,5 %i təhsil, 18,6 %i ticarət; nəqliyyat vasitələrinin təmiri, 13,0 %i sənaye, 8,1 %i əhaliyə səhiyyə və sosial xidmətlərin göstərilməsi, 7,4 %i tikinti, 6,6 %i dövlət idarəetməsi və müdafiə; sosial təminat, 4,3 %i nəqliyyat və anbar təsərrüfatı, 3,6 %i kənd təsərrüfatı, meşə təsərrüfatı və balıqçılıq, 3,4 %i peşə, elmi və texniki fəaliyyət, 1,8 %i maliyyə və sığorta fəaliyyəti, 13,7 %i isə iqtisadiyyatın digər sahələrində məşğul olmuşlar.

2021-ci ilin yanvar-noyabr aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 2,9 % artaraq 724,1 manat olmuşdur. İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, eləcə də nəqliyyat və anbar təsərrüfatı sahələrində orta aylıq nominal əməkhaqqı daha yüksək olmuşdur.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26