“Azərişıq” ASC-nin nizamnamə kapitalı artırılıb
“Azərişıq” Açıq Səhmdar Cəmiyyətinin (ASC) nizamnamə kapitalı artırılıb
APA-nın məlumatına görə, Nazirlər Kabineti bununla bağlı “Azərişıq” Açıq Səhmdar Cəmiyyətinin Nizamnaməsinin və strukturunun təsdiq edilməsi barədə” qərarında dəyişiklik edib.
İndiyə qədər qüvvədə olan Nizamnaməyə əsasən “Azərişıq” ASC-nin nizamnamə kapitalı 885 milyon 633 min 532 manatdır, onun səhmlərinin nominal dəyərindən təşkil olunur və nominal dəyəri 2 manat olan 442 milyon 816 min 766 ədəd sənədsiz adi adlı səhmdən ibarətdir.Dəyişikliyə əsasən “Azərişıq” ASC-nin nizamnamə kapitalı 1 milyard 460 milyon 633 min 532 manata, səhmlərinin sayı 730 milyon 316 min 766 ədədə çatdırılıb.
Vergilər Nazirliyi, Əmlak Məsələləri Dövlət Komitəsi, Maliyyə Bazarlarına Nəzarət Palatası və “Azərişıq” ASC-yə bu qərardan irəli gələn məsələləri həll etmək tapşırılıb.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
