Azərbaycan millisi İrəvandadır
Ermənistanda keçiriləcək Avropa çempionatında iştirak edəcək Azərbaycan ağırlıqqaldıranları İrəvana çatıblar.
"İnterPosta" xəbər verir ki, bu barədə yarışa hazırlıq üzrə Təşkilat Komitəsinin sədri Arayik Arutyunyan jurnalistlərə açıqlama verib.
O bildirib ki, İrəvana 12 nəfərlə gələn heyət əlavə təhlükəsizlik zəmanəti istəyib: "Biz də təmin etdik. İdmanda münaqişəli ölkələrdən komandaların qəbulu adi təcrübədir. Ermənistan və Azərbaycan da Xorvatiya, Kosovo və digər ölkələr kimi Avropa Ağırlıqqaldırma Federasiyasının üzvləridir. Azərbaycan Avropa çempionatında iştirak üçün ərizə verə bilərdi və bunu da etdi".
"Sputnik Armenia"nın iddiasına görə, Azərbaycan nümayəndə heyətini Zvartnots hava limanında gücləndirilmiş polis dəstəsi qarşılayıb, xüsusi təyinatlılar də orada olub.
Qeyd edək ki, Avropa çempionatında Azərbaycanın 4 ağırlıqqaldıranı qüvvəsini sınayacaq.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
