101 milyonluq futbolçu "Real"dan ayrılır - hara gedir?
2013-cü ildə "Tottenhem"dən 101 milyon avroya "Real"a transfer olunan Qaret Beyl "Kral Klubu"ndan ayrılır.
Fanat.Az "Mirror"a istinadən xəbər verir ki, son iki mövsümdə zədələr səbəbindən oyununda eniş olan uelsli ulduzu "Mançester Yunayted" istəyir.
28 yaşlı futbolçunun Joze Mourinyonun transfer siyahısında ilk pilləni tutduğu deyilir. "Mançester Yunayted"in onun üçün "Real"a 70-80 milyon avro ödəməyə hazır olduğu deyilir.
Lakin futbolçunun meneceri Conatan Barnett yayılan xəbərləri təkzib edir: "Beylin "Real"dan ayrılacağı dedi-qoduları gülməli və axmaqlıqdı".
Qeyd edək ki, bir neçə gün əvvəl "Real"ın baş məşqçisi Zinəddin Zidan da Beylin komandadan gedə biləcəyinə işarə vurmuşdu: "Kriştiano Ronaldo, Qaret Beyl və Kərim Benzemanın komandada qalmasını istəyirəm. Amma transfer pəncərəsi avqustun 31-dək açıqdı və həmin vaxtadək hər şey ola bilər".
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
