Natiq İbrahimov yenidən rektor təyin edildi

Natiq Səhrab oğlu İbrahimov Lənkəran Dövlət Universitetinin rektoru təyin edilib.

Goldmedia.az xəbər verir ki, Prezident İlham Əliyev bu barədə Sərəncam imzalayıb.

Qeyd edək ki, Natiq İbrahimov 1953-cü il 28 mart tarixində Qəbələ rayonu Mıxılqovaq kəndində anadan olub. 1972–1978-ci illərdə Azərbaycan Dövlət Universitetinin (indiki BDU) Mexanika-riyaziyyat fakültəsində təhsil alıb. Ailəlidir, 3 övladı var. 2003-cü ildən Yeni Azərbaycan Partiyasının üzvüdür.

O, 1993-cü ildən Təhsil Nazirliyində aparıcı inspektor, aparıcı məsləhətçi və baş məsləhətçi vəzifələrində çalışıb. 2014-cü ildən Təhsil Nazirliyinin Elm, ali və orta ixtisas təhsili şöbəsinin müdir müavini vəzifəsində işləyib. 2016-cı il may ayından Lənkəran Dövlət Universitetinin rektoru vəzifəsini icra edib. İlham Əliyevin 23 aprel 2021-ci il tarixli Sərəncamı ilə Lənkəran Dövlət Universitetinin rektoru təyin edilib. O, 2011-ci ildə Əməkdar müəllimi adına layiq görülüb.

Goldmedia.az