Interposta.Info

Vəzifəli şəxsə cinayət işi açıldı

Gündəm
 27-09-2022, 14:59     498

Azərbaycanda bələdiyyə sədrinə cinayət işi açılıb.

"İnterPosta" Lent.az-a istinadla xəbər verir ki, Lənkəran rayonu, Göyşaban bələdiyyəsinin sədri Abdulla Fətdayev vəzifə səlahiyyətlərini aşmaqda ittiham olunur. Onun barəsində Cinayət Məcəlləsinin 309.1-ci (Vəzifəli şəxs tərəfindən xidməti səlahiyyətlərinin hüdudlarından açıq-aşkar surətdə kənara çıxan hərəkətlər etməsi fiziki və ya hüquqi şəxslərin hüquqlarına və qanuni mənafelərinə, yaxud cəmiyyət və ya dövlətin qanunla qorunan mənafelərinə mühüm zərər vurduqda) maddəsilə ittiham elan olunub.

Cinayət işinə Lənkəran rayon Məhkəməsində baxılacaq.

Qeyd edək ki, həmin maddəyə görə şəxs, iki min manatdan dörd min manatadək miqdarda cərimə və ya iki ilədək müddətə islah işləri və ya üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə, üç ilədək müddətə azadlıqdan məhrum etmə ilə cəzalandırılır.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26