Interposta.Info

Saleh Rüstəmli aclığı dayandırdı

Gündəm
 16-12-2021, 15:32     94

Həbsxanada aclıq aksiyası keçirən Gədəbəyin sabiq icra başçısı Saleh Rüstəmli aksiyanı dayandırıb.

"İnterPosta"nın məlumatına görə, bu barədə Qaynarinfo-ya professor Adil Qeybulla məlumat verib.

"Saleh Rüstəmlinin zəifləməsi var, yavaş-yavaş o da bərpa olunacaq. Azadlığa buraxılması ilə bağlı dövlət məşğul olur. Arzu edək ki, humanist addımlar da olsun”, deyə Adil Qeybulla bildirib.

Qeyd edək ki, 1992-93-cü illərdə Gədəbəy rayonunun icra başçısı vəzifəsində çalışmış Saleh Rüstəmli 2018-ci ildə həbs olunub.

Onun barəsində Cinayət Məcəlləsinin 192.3.2 (xüsusilə külli miqdarda gəlir əldə etməklə qanunsuz sahibkarlıq), 193-1.3.1 və 193-1.3.2-ci (mütəşəkkil dəstə tərəfindən cinayət yolu ilə əldə edilmiş külli miqdarda pul vəsaitlərini və ya digər əmlakı leqallaşdırma) maddələri ilə ittiham irəli sürülüb.

Bakı Ağır Cinayətlər Məhkəməsinin hökmü S.Rüstəmli 7 il 3 ay müddətinə azadlıqdan məhrum edilib.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26