Təhsil naziri postuna Abel Məhərrəmov gətirilir? - BDU-dan iddialara cavab
Mikayıl Cabbarovun Vergilər naziri vəzifəsinə təyin edilməsindən sonra boş qalan təhsil naziri postuna BDU-nun rektoru Abel Məhərrəmovun gətiriləcəyi iddia edilir.
interposta.info qaynarinfo-a istinadən xəbər verir ki, yayılan xəbərdə BDU-nun rektoru Abel Məhərrəmovun artıq öz vəzifə səlahiyyətlərini prorektora həvalə etdiyi, bu həftədən etibarən təhvil-təslim işlərinə başladığı bildirilir.
Yayılan xəbərlərlə bağlı Bakı Dövlət Universitetinin Mətbuat və informasiya şöbəsinin müdiri Pərvanə İbrahimova Yenicag.az-a açıqlama verib.
Pərvanə İbrahimova yayılan xəbərləri təkzib edərək, bunların həqiqəti əks etdirmədiyini deyib.
Xatırladaq ki, ötən ilin dekabr ayının 5-dən Təhsil naziri vəzifəsi boşdur.
Qeyd edək ki, Abel Məhərrəmov 1999-cu ildən Bakı Dövlət Universitetinin rektoru kimi fəaliyyət göstərir.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
