Interposta.Info

Kərə yağı üçün gömrük rüsumu 3 dəfə azaldılıb, bəs qiymətlər niyə endirilmir?

Gündəm
 26-01-2018, 23:56     10 469

Azərbaycana idxal edilən kərə yağına tətbiq edilən gömrük rüsumunun 15 faizdən 5 faizə endirilməsindən sonra qiymətlərin enəcəyi proqnozlaşdırılırdı.

Xezerxeber.az məlumat verir ki, çünki rüsumların azaldılması sahibkarlara qiymətləri aşağı salmağa imkan verirdi. Amma proqnozlar özünü doğrultmadı.

İqtisadçı ekspert Vüqar Bayramovun sözlərinə görə, araşdırmalar göstərir ki, qiymətlər yalnız yanvar ayının əvvəlində cəmi 50-60 qəpik civarında enib. Sonradan bu tendensiya davam etməyib. Halbuki, qiymətlər 2-3 manat enməli idi.

Vüqar Bayramov deyir ki, bu müddət ərzində kərə yağının idxal olunduğu ölkələrdə də yağın qiyməti dəyişməyib. Yəni yerli sahibkarlar xaricdə qiymət artımını bəhanə edə bilməzlər.

İqtisadçı ekspertin fikrincə, ölkə qanunvericiliyi qiymətləri tənzimləməyə imkan verir. Odur ki, bazarlarda monitorinqlər aparılmalıdır. İdxal edilən kərə yağının qiymətinin bundan sonra necə olacağı hələlik bəlli deyil.

interposta.info mövzu ilə bağlı daha ətraflı videomaterialı təqdim edir:

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26