Interposta.Info

Mariya Zaxarovanın Qarabağ haqda dedikləri necə təhrif olundu -

Gündəm
 15-06-2017, 15:37     578

Rusiya XİN-in rəsmi saytı Mariya Zaxarovanın bu günkü brifinqinin video-stenoqramını yerləşdirib və oradan məlum olur ki, XİN rəsmisi "Dağlıq Qarabağ xalqı" deyil, "bilavasitə Dağlıq Qarabağda yaşayan insanlar" ifadəsini işlədib.


Başqa sözlə, indiki halda "Moskva-Baku" portalı Rusiya XİN-in rəsmi nümayəndəsinin sözlərini təhrif edib. virtualaz.org Zaxarovanın Dağlıq Qarabağ münaqişəsinə dair şərhini təqdim edir. (bax: 14-cü dəqiqədən 20-ci dəqiqəyə qədər)

* * *12:18

Virtualaz.org qeyd edir ki, əgər Mariya Zaxarova doğrudan da "Dağlıq Qarabağ xalqı" ifadəsini işlədibsə bu yolverilməzdir və düzgün deyil. Çünki həmin regionda yaşayan insanlardan söz gedirsə onların barəsində "Dağlıq Qarabağ sakinləri" ifadəsi işlədilməlidir.

Zaxarovanın "Dağlıq Qarabağ xalqı" ifadəsi işlətdiyi barədə hələlik bir mənbə-"Moskva-Baku" portalı bildirir. Digər mənbələrdə bu "Dağlıq Qarabağda yaşayan insanlar" kimi göstərilir. Zaxarovanın brifinqinin stenoqramı hələlik Rusiya XİN-in saytında yerləşdirilməyib.

* * *11:58

“Rusiya əlindən gələn hər şeyi edir ki, Qarabağ münaqişəsinin həlli tapılsın-nə qədər tez olsa o qədər yaxşıdır. Lakin münaqişə tərəflərinin heç birinə, o cümlədən Dağlıq Qarabağ xalqına ziyan vurmadan”.

Virtualaz.org xəbər verir ki, belə bəyanatla Rusiya XİN-in qalmaqallı mətbuat katibi Mariya Zaxarova bu gün keçirdiyi brifinqdə çıxış edib.

“Mən hesab edirəm ki, hər tərəfin-Azərbaycan və Ermənistanın, onların rəsmi nümayəndələrinin, dövlət xadimlərinin Dağlıq Qarabağ münaqişəsinin həlli ilə bağlı öz baxışları var. Bu münaqişənin həlli üçün müəyyən olunmuş format mövcuddur, doğrudan da köhnə problemdir və kompromislərin axtarışını nəzərdə tutur. Kompromislərin axtarışı isə bu gün tərəflərin mövqeləri arasında fərqlərin nə qədər böyük olmasına baxmayaraq mövqelərin yaxınlaşması deməkdir”-Zaxarova şərhini davam etdirib.

Rusiya XİN rəsmisi əlavə edib ki, bu, beynəlxalq praktikadır, diplomatik işin praktikası budur ki, həlli mümkün görünməyən məsələlərin də həllini axtarıb tapasan. “Biz bu qiymətləndirmə ilə razıyıq ki, situasiya həll və irəliləyiş tələb edir, məhz buna görə də son vaxtla müxtəlif formatlarda təmaslar intensivləşib”-Zaxarova əlavə edib.
interposta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26