Rusiyanın "An-26" təyyarəsi qayaya çırpılıb: 29 nəfər həlak olub
Krımda Rusiyaya məxsus An-26 hərbi nəqliyyat təyyarəsi qəzaya uğrayıb və nəticədə göyərtədəki 29 nəfər həlak olub.
Goldmedia.az xəbər verir ki, bu barədə Rusiya Müdafiə Nazirliyinin məlumatında bildirilib.
Təyyarədə 23 sərnişin və 6 heyət üzvü olub.
Məlumatda deyilir: "Axtarış-xilasetmə qrupu An-26 təyyarəsinin qəza yerini müəyyən edib. Hadisə yerindən alınan məlumatlara görə, 6 heyət üzvü və göyərtədə olan 23 sərnişin həlak olub".
Qəzanın ilkin səbəbi texniki nasazlıqdır.
Hadisə yerindəki mənbə RİA Novosti-yə bildirib ki, təyyarə qayalığa çırpılıb.
Rusiya Müdafiə Nazirliyinin komissiyası qəza yerində işləyir.
Goldmedia.az
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
