Interposta.Info

Dəmirtaşa daha 3 il 6 ay həbs cəzası verildi

Dünya
 22-03-2021, 21:24     157

Xalqların Demokratik Partiyasının (HDP) həbsdə olan keçmiş həmsədri Səlahəddin Dəmirtaş “Prezidenti təhqir” ittihamı ilə 3 il 6 ay həbs cəzasına məhkum olunub.

Bakırköy 46-cı Cəza Məhkəməsində keçirilən iclasa Səlahəddin Dəmirtaş səs və video məlumat sistemi vasitəsilə (SEGBİS) qoşulub.

Prokuror 2015-ci ildə Dəmirtaşın Atatürk Hava Limanında verdiyi açıqlamada Prezident Rəcəb Tayyib Ərdoğanı və o zamankı Baş nazir Əhməd Davudoğlunu təhqir etdiyinə görə 1 il 2 aydan 4 il 8 aya qədər həbs cəzasına məhkum edilməsini tələb edib.

İki dəfə prezidentliyə namizəd olduğunu və illərdir siyasətlə məşğul olduğunu söyləyən şübhəli müdafiəsində “Hökuməti tənqid etdim. Prezident və Baş naziri birbaşa hədəf almadım”,- deyə bildirib.

Fasilədən sonra S. Dəmirtaşın “Prezidenti təhqir” maddəsi ilə təqsirləndirilərək 3 il 6 aylıq həbs cəzasına məhkum edilməsinə qərar verilib./qafqazinfo

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26