Tu-22-lər İŞİD-i
Rusiya Hərbi Hava Qüvvələrinə məxsus 6 ədəd Tu-22 uzaqmənzilli bombardman təyyarələri Suriyadakı İŞİD hədəflərinə hava zərbəsi endirib.
Axar.az xəbər verir ki, bu barədə Rusiya Müdafiə Nazirliyi məlumat yayıb.
Açıqlamada təyyarələrin Rusiyadakı hərbi bazalardan havaya qalxdığı bildirilib:
“23 yanvar tarixində Rusiyadakı hərbi bazalardan havaya qalxan və İraq ilə İran hava sahəsindən keçən Tu-22 təyyarələri Deyr əz-Zor şəhərində fəaliyyət göstərən İŞİD terrorçularına məxsus sığınacaqları bombardman edib. Hücum zamanı terrorçuların silah və hərbi təchizat anbarları hədəfə alınıb”.
Bütün hədəflərin uğurla məhv edildiyini deyən nazirlik Su-30 və Su-35 qırıcılarının Tu-22-ləri müşayiət etdiyini bildirib.
Təyyarələr əməliyyatdan sonra Rusiyadakı bazalara geri qayıdıb.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26