Interposta.Info

SDU-nun prorektoru vəzifəsindən azad edilib

Ölkə
 24-10-2023, 16:54     28 868


Sumqayıt Dövlət Universitetinin (SDU) Elm və innovasiyalar üzrə prorektoru Ramazan Salam oğlu Məmmədov öz ərizəsi ilə vəzifəsindən azad olunub.

“Report”un yerli bürosu xəbər verir ki, o, bundan sonra Xarici dillər kafedrasında professor-məsləhətçi kimi fəaliyyət göstərəcək.

Ramazan Məmmədov 01.07.1944-cü ildə Qax rayonunun Qum kəndində dünyaya gəlib. 1991-ci ildən 2014-cü ilədək SDU-da dosent, professor, kafedra müdiri vəzifələrində çalışıb. 2014-cü il may ayının 8-dən SDU-da Elm və innovasiyalar üzrə prorektor vəzifəsinə təyin edilib.
R.Məmmədov filologiya elmləri doktoru, professordur. Azərbaycan və rus dillərini müqayisəli tədqiq edir. 1978-ci ildə namizədlik, 2009-cu ildə doktorluq dissertasiyalarını müdafiə edib. Azərbaycan, rus, ingilis dillərində 150-dən artıq elmi, elmi-metodik və publisistik əsəri, o cümlədən səkkiz monoqrafiyası və dərs vəsaiti nəşr olunub.

Ailəlidir, üç övladı, beş nəvəsi var.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26