Azərbaycanda "Qırmızı kitab"a salınmış 20 növ siyahıdan çıxarılıb
"Son olaraq 2023-cü ildə çıxan "Qırmızı kitab"a 462 növ salınıb. 10 il əvvəl bu rəqəm 260-dan bir az çox idi".
"İnterPosta" xəbər verir ki, bunu BAKU.WS-ə açıqlamasında Botanika İnstitutunun baş direktoru, biologiya elmləri doktoru, professor Səyyarə İbadullayeva bildirib.
Onun sözlərinə görə, buraya həm ali bitkilər, həm ibtidai bitkilər - şibyələr, yosunlar, mamırlar və göbələklər daxildir:
"Bunlardan əlavə biz 60 növü "çəhrayı siyahı"ya salmışıq. Hansı ki, adı siyahıya daxil edilən növlərin də gələcəkdə itmək təhlükəsi var. İtmələrin müəyyən bir səbəbi yoxdur. Fikrimcə bura ən çox antropogen amillər təsir göstərir. Heyvandarlığın artırılması indi əvvəlkilər kimi örüş və biçənəklərin yem yükü hesablanıb-hesablanmamasının asılı olaraq iş adamları fermer təsərrüfatları qurur. Bütün bunlar sistemsiz həyata keçirilir. İqlim dəyişiklikləri də bitkilərin azalmasına əsas səbəblərdən biridir".
S. İbadullayeva deyir ki, əsasən adı "Qırmızı kitab"dan çıxarılan növlər "çəhrayı siyahı"ya salınanlardır.
"Bəzi növlər var idi ki, biz onları çox geniş diapazonda gördük, bəlkə də indi hər hansı korrektor həmin yerə getməyib, onun əlavə yayıldığı yerləri görməyib, əlavə etmişdi. Biz təqribən 20 növə qədər siyahıdan çıxartdıq, hansı ki onlar doğrudan da geniş yayılmışdı".
Qeyd edək ki, hazırda Azərbaycanın "Qırmızı Kitabı"na salınan bitkilərin çoxu əsasən Böyük və Kiçik Qafqaz, Talış dağları və Xəzər sahili meşələrində yayılıb.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
