Radikal qruplaşmanın liderini Azərbaycan sərhədçiləri saxlayıb? (AÇIQLAMA)
Azərbaycan-Rusiya dövlət sərhədində Azərbaycan Respublikasının Dövlət Sərhəd Xidməti (DSX) tərəfindən Vladislav Pozdnyakov adlı şəxs saxlanılmayıb.
Bu barədə "İnterPosta"ya DSX-dən bildirilib.
Qeyd edək ki, Rusiyada özünü "Kişi dövləti"nin lideri kimi təqdim edən, radikal-milliyətçi Vladislav Pozdnyakovun Azərbaycana keçmək istəyərkən saxlanılması barədə məlumat yayılmışdı.
"Kişi dövləti" 2016-cı ildə Vladislav Pozdnyakov tərəfindən VKontakte sosial şəbəkəsində yaradılıb. 2017-ci ildə isə təşkilatın regional bölmələri yaranmağa başlayıb. Bununla yanaşı, "VKontakte" 2020-ci ildə təşkilatın səhifəsini zorakılığa çağırış etdiyindən bloklayıb. Bunun ardınca, "Kişi dövləti" öz fəaliyyətini fəal olaraq teleqramda davam etdirməyə başlayıb. "Kişi dövləti" nasionalist və qadınlara qarşı zorakılığa çağırışla bağlı postlar paylaşır və şəbəkə ilə onlara qarşı hücumlar təşkil edir.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
