Goldmedia.az-ın məlumatına görə, bu barədə Teleqraf-a açıqlamasında Azərbaycan Qiymətləndiricilər Cəmiyyətinin sədri, iqtisadçı-ekspert Vüqar Oruc deyib.

Onun sözlərinə görə, mart ilə müqayisədə apreldə bazarda mülayim yüksəliş müşahidə olunsa da, mayda həm alıcılıq qabiliyyətinin, həm də investisiya fəallığının artması nəticəsində qiymət dinamikası daha da sürətlənib:

"Köhnə tikili mənzillərə tələbat yeni tikililərlə müqayisədə daha yüksək olub. Bunun əsas səbəbləri mərkəzi rayonlarda köhnə yaşayış fondunun üstünlük təşkil etməsi, qiymət baxımından əlçatanlıq və hazır mənzil bazarına marağın artmasıdır”.

Ekspert qeyd edib ki, kotlovan mərhələsində olan layihələr isə ən yüksək artım tempini qoruyub saxlayır:

"Tikinti xərclərinin yüksəlməsi, yeni layihələrin sayının məhdud olması və investor marağı bu seqmentdə qiymətlərin daha sürətli bahalaşmasına səbəb olub”.

Vüqar Oruc qeyd edib ki, hazırkı dinamika ilin ikinci yarısında da davam edərsə, bazarda ən yüksək qiymət artımı kotlovan layihələrində, daha sonra köhnə tikili mənzillərdə olacaq:

"Mərkəzi rayonlarda torpaq ehtiyatlarının məhdudluğu və yeni tikinti imkanlarının azalması xüsusilə Səbail, Nəsimi və Yasamal rayonlarında qiymətlərin orta bazar göstəricilərindən daha sürətli yüksəlməsinə şərait yaradır. Bununla yanaşı, Nizami, Binəqədi və Xətai rayonları da yüksək likvidlik nümayiş etdirərək bazarın əsas hərəkətverici seqmentləri sırasında qalır”.

Goldmedi.az xəbər verir ki, Mərkəzi Bankın sədri Taleh Kazımov dövlətimizin başçısına binada yaradılmış şərait barədə məlumat verib.

Yeni bina paytaxtın Heydər Əliyev prospektində yerləşir. Müasir şəhərsalma prinsiplərinə uyğun inşa edilmiş bina yüksək funksionallığa və qabaqcıl texnoloji göstəricilərə malikdir.

Prezident İlham Əliyev milli pul nişanlarının konseptual yanaşmasının, dizayn xüsusiyyətlərinin və texnoloji inkişaf xəttinin müasir təqdimat üsulları ilə nümayiş olunduğu sərgiyə baxıb.

Bildirilib ki, sərgidə milli pul nişanlarının tarixi, inkişaf mərhələləri, dizayn və mühafizə elementləri əks olunub.

Bina 35 mərtəbədən ibarətdir, burada ümumilikdə 1300 nəfərlik iş sahəsi, konfrans və mətbuat zalları, müxtəlif təlim və toplantı otaqları var.

Yeni binanın layihələndirilməsi zamanı əlçatanlıq və inklüzivlik prinsiplərinə xüsusi diqqət yetirilib, fiziki məhdudiyyətli şəxslərin binaya rahat və təhlükəsiz şəkildə girişinin, həmçinin sərbəst hərəkətinin təmin edilməsinə imkan verən infrastruktur yaradılıb.

Binada rəsmi görüş və toplantılar üçün 25 otaq nəzərdə tutulur. Otaqların hamısı zəruri avadanlıqla təchiz olunub.

Yüksək keyfiyyət, təhlükəsizlik və dayanıqlı inkişaf standartlarına cavab verən binada müasir texnologiya və informasiya sistemləri də quraşdırılıb.

Burada, həmçinin əməkdaşların asudə vaxtının səmərəli təşkili məqsədilə istirahət məkanı yaradılıb, 340 nəfərlik yeməkxana da onların ixtiyarına veriləcək.

Müxtəlif tədbirlərin və təqdimatların keçiriləcəyi 240 nəfərlik konfrans zalında isə hər bir şərait mövcuddur.

Gecə saatlarında binanın vizual tanınmasını təmin edən multimedia fasad sistemi müxtəlif işıq ssenarilərinin və proyeksiyaların tətbiqinə imkan verir. Fasad da daxil olmaqla, ərazinin və binanın işıqlandırılması hərəkət sensorlu LED texnologiyası ilə təchiz olunub. Bu isə öz növbəsində günün işıqlı saatlarında elektrik enerjisinə qənaət etməyə imkan verir.