DÇ-2026-nın 1/8 final mərhələsində növbəti oyun keçirilib.

Apasport.az xəbər verir ki, Meksika millisi İngiltərə ilə üz-üzə gəlib.

Oyun Bakı vaxtı ilə saat 05:00-da start götürüb.

Görüşə Meksika millisi daha fəal başlasa da hesabı ingilislər açıb. 36-cı dəqiqədə Sakanın ötürməsindən sonra Bellinqem topu başla qapıdan keçirib: 1:0.

Meksikalılar qolun şokundan ayılmamış Bellinqem 2 dəqiqə sonra özünün və komandasının 2-ci qolunu vurub.

Çox keçməmiş ev sahibləri buraxılan qollardan birinin əvəzini çıxıb. 42-ci dəqiqədə Kinyones fərqlənib. İlk hissə İngiltərə millisinin üstünlüyü ilə başa çatıb: 2:1.

İkinci hissədə İngiltərə 1 nəfər azlıqda qalıb. 54-cü dəqiqədə Kuansa qırmızı vərəqə alaraq meydandan qovulub.

Buna baxmayaraq britaniyalılar hesab arasındakı fərqi artırmağı bacarıb. 60-cı dəqiqədə Harri Keyn 11 metrlik cərimə zərbəsini dəqiq yerinə yetirib.

69-cu dəqiqədə görüşün baş hakimi Əlirza Fəqani bu dəfə İngiltərənin qapısına penalti təyin edib. Topun arxasına keçən Raul Ximenez dəqiq oynayaraq hesabı 2:3 edib.

Matç bu hesabla başa çatıb və İngiltərə millisi növbəti mərhələyə yüksəlib.

İngiltərə 1/4 finalda Norveç millisi ilə qarşılaşacaq.

DÇ-2026

1/8 final

6 iyul

04:00. Meksika - İngiltərə 2:3

Qol: C. Bellinqem, 36, 38, Kinyones, 42, H. Keyn, 60, R. Ximenez, 69

Qırmızı vərəqə: Kuansa, 54

Meksika: Rangel, Sançes, Montes, Vaskes, Qalyardo, Mora, Lira, Romo, Alvarado, Ximenez, Kinyones

İngiltərə: Pikford, O'Rayli, Guehi, Konsa, Kuansa, Rays, Anderson, Qordon, Bellinqem, Saka, Keyn

Goldmedia.az

"Qarabağ" heyətini macarıstanlı oyunçu Bençe Varkoni ilə gücləndirib.

Goldmedia.az xəbər verir ki, bu barədə klub məlumat yayıb.

24 yaşlı mərkəz müdafiəçisi ilə imzalanan sözləşmənin şərti və təfərrüatı hələ ictimaiyyətə açıqlanmayıb.

Bençe Varkoni MTK akademiyasının yetirməsidir və 2021-ci ildə Macarıstan çempionatının yüksək liqasında debüt edib. "Kozarmişlen" klubunda icarə əsasında çıxış etdikdən sonra üç il əvvəl ZTE-yə keçib. Əvvəlcə icarə əsasında komandaya qoşulan futbolçunun transfer hüquqları 2024-cü ilin yayında klub tərəfindən tam alınıb.

"Transfermarkt" portalının məlumatına görə, Varkoninin ZTE ilə müqaviləsi 2027-ci ilə qədər qüvvədədir və əlavə bir il uzadılma imkanı da nəzərdə tutulub.

Mərkəz müdafiəçisi ötən mövsüm Macarıstan çempionatında 30, ölkə kubokunda isə 6 oyunda meydana çıxıb. Ümumilikdə isə o, ölkə yüksək liqasında 83 qarşılaşmada forma geyinib. O, Macarıstanın U-21 millisinin sabiq üzvüdür.

Xatırladaq ki, "Qarabağ” bu yay Zakaria Savo (son klubu - "Aris" Kipr), Jali Muaddib ("Omoniya” Aradippou Kipr), Samuel Lobato ("Portimonense”, Portuqaliya), Bruno Lanqa ("Almeriya", İspaniya), Martin Zlomisliç ("Riyeka", Xorvatiya), Renaldo Sefas ("Pari Nijni Novqorod”, Rusiya) da rənglərinə bağlayıb.

Goldmedia.az