Məcburi köçkünlərin yeni mənzillərə köçetmə sevinclərin suya düşürən şirkət – FOTO FAKT
Azərbaycan Respubilkasının Prezidenti İlham Əliyev və vitse-Prezident Mehirban Əliyevanın onlara göstərdiyi xüsusi diqqət və qayğdan razı qaldıqlarını vuruğlayan köçkünlər, ölkə rəhbərinin apardığı uğurlu siyasəti dəstəklədiklərin deyirlər. Köçkünlər onu da qeyd edirlər ki, biz hərzaman Heydər Əliyev irsinin sadiq əsgərləriyik. Sumqayıt şəhərində yeni salınmış şəhərciyin sakinləri görülən inşa işləri “Yeni Azərbaycan Partiyası”na laiq olmadığını bildirirlər. Bu cür görülən işlər “YAP”-nın nüfuzuna xələl gətirdiyini deyirlər!
Belə ki, qəzalı binalardan köçürülən məcburi köçkünlər onlar üçün inşa edilmiş şəhərciyə köçərkən gördükləri mənzərədən pərişan olublar.
Əsasən Cəbrayıl və Qubadlı rayonlarından olan məcburi köçkünlər İnterPosta.info-ya bildiriblər ki, evlərin kvadratı olduqca kiçikdir. Məcburi köçkünlər qeyd edirlər ki, “biz yataqxanadan gətirdiyimiz az bir əşiya bu mənzillərə sığmır”.
Köçkünlərin iradı nə dərəcədə düz olduğunu öyrənmək məqsədi ilə Sumqayıt şəhər 12-ci mikrorayon ərazisində 2,8 hektar yer ayrılmış şəhərcikdə olduq.
Gördüyümüz mənzərə həqiqətəndə xoşa gələn deyildi. Dövlətin miliyonları xərclənir ki, məcburi köçkünlərin həyat şəraiti yaxşılaşdırılsın, amma buna baxmayaraq şəhərciyin inşa işin aparan şirkət və ona nəzarət edən qurum yarıtmaz iş görüb.
Dövlətin milyonları xərclənir ki, vətəndaş dövlətdən narazı qalsın?
Hazırda köçürmə olan şəhərciyin 10,11,12-ci binalarında olduq və vətəndaşlar arasında sorğu apardıq: Belə məlum oldu ki, həqiqətən də mənzillərin kvadratı çox kiçikdir. Yeni mənzillərə köçən köçkünlərin əşyaları binaların bloklarında qalıb. Bu səbəbdən vətəndaşlarda narazılıq yaranıb!
Şəhərciyin digər problemləri bunlardan ibarətdir.
Şəhərciyin böyük bir hissəsinin tikinti işlərini aparan “ArchiCO” şirkəti şəhərciyi hələ təhvil verməyib, amma gördüyü inşa işlərində olan ciddi qüsurlar üzə çıxır.
Şəhərciyi içməli su ilə təmin edəcək anbarın ətrafında aparılan işlərdən də məlum olur ki, burada görülən işlər qeyri peşəkarcasına görülüb. Su anbarının və binaların ətrafında aparılan abadlıq işlərində (verilən torpaq bərkidilmədiyi üçün) əyilmələr, çökmələr gedir. Bu səbəbdəndə binaların ətrafına döşənmiş aqlay daşlarında çökmələr və sınmalar getdikcə artır.
Mənzillərin inşasında istifadə edilən qapılar, zamolkar, bloklarda aparılan boyama işləri və digər aksesuar o, dərəcədə zəif məhsullardır ki, mənzillər istifadəyə verilməmişdən yararsız vəziyətə düşüb.
Şəhərcikdə inşa edilmiş binaların əksəriyyətinin fasatı qabançik üzlüklə üzlənib. Amma nədənsə 14 mərtəbədən ibarət iki bina (10,12-ci binalar) qabançi üzlüklə üzlənməyib.
Qeyd etdiyimiz 10,12-ci binaların fasatı sadə boyalar ilə rənglənməsi səbəbindən artıq fasatda eroziya (ləkələr,qabarmalar) əmələ gəlib.
Qeyd etdiyimiz nöqsanlarla bağlı yaranan suallarımıza cavab almaq üçün “ArchiCO” şirkəti ilə əlaqə saxladıq, şirkətin rəsmisi suallarımızı cavablandırmayacağını bildirdi.
Qarşı tərəf olaraq adı çəkilən şirkətin gördüyü işlərdə olan qüsurlara görə məsul şəxsi dinləməyə hazırıq.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
