Interposta.Info

Bağlanan bankların rəhbərləri barəsində araşdırma başladı

Ölkə
 21-01-2019, 16:30     10 420

Hazırda Azərbaycanda problemli kreditlərin həcmi 2 milyard manata yaxınlaşır. Bir tərəfdən geridönüşü olmayan kerditlərin artması, digər tərəfdən də bəzi bankların ləğvi vəziyyəti daha da çıxılmaz hala gətirib. Bugünədək Əmanətlərin Sığortalanması Fondunun əmanətçilərinə kompensasiya ödədiyi və ləğv prosesində olan 13 bank var. Fond 13 bankın əmanətçilərinə 824 milyon manat kompensasiya ödəyib.

Modern.az-a daxil olan məlumata görə, əslində banklardakı problemlərin artmasının səbəbi geridönüşü olmayan kreditlər deyil, vaxtilə banklara rəhbərlik etmiş şəxslərin şəxsi istifadə üçün götürdükləri kreditlərdir. Məsələ burasındadır ki, bank rəhbərləri özlərinə aldıqları daşınar və daşınmaz əmlak üçün ayrı-ayrı şxəslərin adına kreditlər götürüb. Banklar bağlandıqdan sonra isə kerditi ödəməkdən imtina ediblər. Kreditlər isə adı rəsmiləşdirilən vətəndaşın boynunda qalıb.

Hüquq-mühafizə orqanlarından Modern.az-a verilən məlumata görə, hazırda ləğv prosesində olan banklarla bağlı ciddi araşdırmalar aparılır və yaxın günlərdə bu məsələlərin nəticəsi olaraq cinayət işinin başlanacağı gözlənilir.

Xatırladaq ki, ləğv prosesində olan banklar aşağıdakılardır:

"Royalbank” ASC
"Yunayted Kredit Bank” ASC
"Bank of Azerbaijan” ASC
"Gəncəbank"
"Texnikabank” ASC
"Parabank” ASC
"Zaminbank” ASC
"Kredobank” ASC
"Dekabank” ASC
"Atrabank” ASC
"Qafqaz İnkişaf Bankı” ASC
"Bank Standard”
"Dəmirbank” ASC

İnerPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26