UEFA “Neftçi”ni 40 min avro cərimələdi
UEFA "Neftçi”ni cərimələyib.
"İnterPosta.info" bildirir ki, bu barədə klubun rəsmi saytı xəbər yayıb.
Bildirilir ki, buna səbəb UEFA Avropa Liqasının üçüncü təsnifat mərhələsinin avqustun 8-i "Bakcell Arena”da keçirilmiş "Neftçi” – "Bney Yehuda” oyununda (2:2) azarkeşlərin meydana kənar əşyalar tullaması olub.
Qurum bu səbəbdən paytaxt klubunu 40 min avro məbləğində cərimələyib.
Qeyd edək ki, avqustun 15-i səfərdəki cavab matçında 1:2 hesabı ilə məğlub olan "Neftçi” Avropa Liqasında mübarizəni dayandırıb.
Onu da qeyd edək ki, "Neftçi" bu mövsüm Avropa Liqasındakı çıxışı ilə bağlı UEFA-dan 780 min avro mükafat almışdı.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
