Nazarbayev belə istefa verdi - Video
Qazaxıstan Prezidenti Nursultan Nazarbayev vəzifəsindən istefa verdiyini açıqlayıb.
Axar.az xəbər verir ki, bu barədə RİA informasiya yayıb.
“Prezident kimi öz səlahiyyətlərimdən imtina etmək qərarı qəbul etdim. Təhlükəsizlik Şurasının sədri olaraq çalışmağa davam edəcəyəm. Mən “Nur Otan” Partiyasının sədri və Konstitusiya Şurasının sədriyəm. Sizinlə olacam” - Nazarbayev yerli telekanallar vasitəsilə yayımlanan xalqa müraciətində deyib.
Prezidentin səlahiyyətlərini müvəqqəti olaraq Qazaxıstan Senatının spikeri Qasım-Jomart Tokayev icra edəcək.
Qeyd edək ki, Nursultan Nazarbayev 1990-cı ildən Qazaxıstana rəhbərlik edir. O, 2015-ci ildə beşinci dəfə bu ölkənin prezidenti postuna seçilib.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
